(( نخوة ياشريفة ))

(( نخوة ياشريفة ))
::::::::::::::::::::::
شريفه اتعنّى ليها
اتوجِّب من يجيها
بس توصل ابعمها
وبوها اقسم عليها
.......
شريفه روح يمها 
لعتبتها الزمها
لها دنّق اوشمها   
من اتباوع السبّاچ
توسّل وانتخيها
.......
تعنّى للنجيبه
اليسمّوها الطبيبه
دعاك الله يجيبه
إذا تقسم ابعباس
أبوفاضل عليها
.......
شريفه امن السبايا
وأُسارى كربلايا
اشقد قاست رزايا
غريبه اوشبعت اهموم
أهلها امفارقيها
........
شريفه باب حاجات
اودعوَه مُستجابات
اشقد قاست ظُلامات
يتم واسياط واغلال
عقب ذبحة وليها
.......
شريفه ابجاه لحسين
وأنصاره السبعين
اوسكنه والخواتين
علينا نشري ارداچ
اوحاجتنا اقضيها
.......
شريفه آنا عانيچ
ابجاه الحسن واليچ
اوچبده الغاليه اعليچ
إلي حاجات وارجاچ
عليَّه اتسهّليها
.......
طبيبه اوعندچ ادواي
عليچ أقسم ابمولاي
تشافي علّتي هاي
وإنتِ ياضوى العين
خبيره وأدرى بيها
.......
سِواكم آنامالي
أوَجِّه له سؤالي
ولا يخافكو حالي
ولا عندي وسيله
سِواكم ألتجيها
::::::::::::::::::::::::
✍🏻لخادمة أهل البيت
    أم جمال خواهر
  29 / ربيع الثاني
    1439  / هـ

يباب الله نخوة للسيِّدة شريفة عليها السلام

يباب الله 
نخوة للسيِّدة شريفة
  عليها السلام
:::::::::::::::::::::::
فرع من آل هاشم 
من دوحة الأكارم

شريفة حسب وانساب
تشهد لها العوالم
......
إلى الله باب مفتوح
إذا عدكم قضيّه

تعنّو واقصدوها
اطلبوها ابصدق نِيَّه

إذا رِدتو الإجابه
سريعه بالزچيه

تحلفوها ابضلعها
اوبالعرِّيس قاسم
......
شريفه باب حاجات
مثل جدها وبوها

تعنّو الها اوروحوا
ابقبّتهااقصدوها

تشكّو الحال عدها
ابرقيَّه حلِّفوها

اوحلفوها بلحبال
الجرّوا به الفواطم
......
شريفه الها كرامات
إليها النّاس تشهد

العليل ايجيها يُشفى
اويتاعفىٰ المُقعد

والماله وُلِد محروم
إليها ايكون يقصد

اويتوسّل ويسأل
يجيه الولد لازم
......
كم واحد إجاها
عُضال المرض صابه

إعجزت عنّه الأطبَّآء
ولا ينفع دوى  به

لزم سبّاچهااوصاح
دخيلچ بالنّجابه

علي والحسن وحسين
اوهمزة وصل  فاطم
.......
شريفه ادواي منّچ
يمولاتي أريده

إعطيني اولااتقصرين
ابجاه من قطعوا ايده

على الـمآ ومات عطشان
اوبالحزّوا  وريده

اوباللي ركبت اجمال
بلا والي اوراحم
......
على بابچ وقفنا
يباب الله انتوسل

يفرّج عن الأسرى
وكل عُسر ايتسهّل

وحال السّوؤ فينا
ابحُسِن حال ايتبدّل

ويعجِّل فرج مولاي
أبو صالح القائم
::::::::::::::::::::
✍🏻لخادمة أهل البيت
    أم جمال خواهر
    28 / ربيع الثاني
    1439  / هـ

(( بحِبال علي ع تعلّقنا ))

(( بحِبال علي ع  تعلّقنا ))
    ::::::::::::::::::::::
جيت تايب ياإلٰه العالمين
اتعلَّقِت بحبال اميرالمؤمنين

ياإلٰهي قيّدت إيدي الذنوب
وجيت ادق بابك يعلاَّم الغيوب
إغفِر الزلاّت واكشف للكروب
ابجاه علي الكرارمولى الثقلين

عظُمَ الذّنبُ إلهٰي ياعظيم
اوجيت ادق بابك أسئِلك يارحيم
ابحبال المرتضى وقيده الأليم
تفك أسري يامجيب السّائلين

من احبال اذنوبي جيتك مستجير
ياإلٰهي ابقيد واحبال الأمير
ربّي إغفرذنبي اوجرمي الكبير
ابجاه قيد اوحبل زين العابدين

ربّي جيتك تايب اوذنبي ثقيل
وجيت اتوسّل ابعفوك ياجليل
ابجاه حبل اللي انسحب فيه
العليل ،
والعقيله قيّدوا منها اليدين

الحبل هاللي سحب داحي الباب
سحبوا السجاد بيه اعلى التراب
اوقيدوا زينب اوسكنه والرباب
اوقيّدوا موسى ابسجن الظالمين

هالحبل مازال ينزِف بالجروح
في قلب يوسف الزهرابالقروح
ليله وانهاره على امصابه ينوح
دمعته بالدم تسيل المقلتين

الحبل يوم السقيفه مابرَح
في رقاب الآل ينزِف بالجرح
بالحديد اصفاد متنوِّع صبح
اولحدّ هذا اليوم بيه امصفّدين

الله ايساعد إمامي المنتظر
أقرحت عينه مصايب هالدهر
حبل جدّه المرتضى قصّ الظهر
والأثرباقي ايتجدّد كلّ حين
    :::::::::::::::::::::::
✍🏻لخادمة أهل البيت
    أم جمال خواهر
    27 / ربيع الثاني
      1439 /هـ

(( مولد العقيلة زينب )) عليها السلام

(( مولد العقيلة زينب ))
        عليها السلام
  🍃🍃🍃🍃🍃🍃🍃
  :::::::::::::::::::::::::::::
فاح المسك والعود  واتفتحت لورود   

زينب على الدنياازهرت حيَّاهامن مولود،
------------
الدنيا كلها أزهرت أشكال ويْ
ألوان ،

والطير بنغامه صدح غرَّد على
الأغصان ،

زينب عقيلة حيدره طلّت على
الأكوان ،

زِينة أبوها المرتضى متبسِّم
اوفرحان ،

الزهرااتناغيها  مستبشره بيها
زينب على الدنيا ازهرت حياها
من مولود
-------------
خامس جمادى شرّفه ربّي على
الأيّام ،
فيه العقيله بت علي سليلة الأكرام،

مولوده والنور انتشر منها كبدر
التَّام ،
ريحة عطرهافايحه عالخاص ويَّا
العام ،
وامن السّما جبريل
وايردّد التهليل

زينب على الدنيا ازهرت حياها
من مولود
-------------
ساعة وِلادتها نِزل جبريل مستبشر،

جايب إسمها امن السّما للمصطفى ايخبّر ،

هذي المصونه الطاهره مفخرة
الخُدَّر ،

إسمها زينب بت علي أصيلة
العنصر ،

إسمها يامحلاه    مُختارمن الله

زينب على الدنيا ازهرت حياها
من مولود
-------------
زينة أبوهاالطاهره زينب الحبَّابه،

محلا إسمها بت علي إمن السّما
جابه ،

جبريل ايبشِّر للنّبي ويستأذن
اببّابه ،

والمصطفى مثل البدر قاعد مع
اصحابه ،

صار الفرح واسرور
أمّ الوفا اولخدور

زينب على الدنياازهرت حياها
من مولود
🍃🍃🍃🍃🍃🍃🍃
:::::::::::::::::::::::::::::
✍🏻لخادمة أهل البيت
      أم جمال خواهر
    26 / ربيع الثاني
      1439 /  هـ

الرباب تنعى الإمام )) الحسين عليه السلام

( الرباب تنعى الإمام ))

      الحسين عليه السلام

    ،،،،،،،،،،،،،،،،،،،

يتيمه الغاليه صارت يتيمه

عقبك عاشت الذلّ والهضيمه

من بعدك غريبه    يالفقدك مصيبه

يتيمه الغاليه صارت يتيمه

-------------

يادامي النحر يالمتت عطشان

يالفقدك شعل بالقلب نيران

كساني الزمن بعدك ثوب لحزان

اوجرّعني الغصص والويل ألوان

  ياكعبة الوفاد 

  بعدك ماحلا الزاد

ظلما دنيتي وروحي سقيمه

يتيمه الغاليه صارت يتيمه

-------------

لبسته للحزن والكدر جلباب

اوطاحت من كثر لدموع لهذاب

عن اعيوني خيالك أبد ماغاب

يابعد العمر ذاب القلب ذاب

أذكر عيشتي اوياك    

  يامخدوم لملاك ،

أتحسّر وصيح امن الهضيمه

يتيمه الغاليه صارت يتيمه 

--------------

حسره ياأبو السجاد حسره

عنّي ايضمّك اتراب المقبره

ليت الموت أخذني بدل عمره

ولا أسمع لسكنه تجر زفره

قلبها انصدع صدعه

تهل دمعه اعلى دمعه

يحق الها العمر مأتم تقيمه

يتيمه الغاليه صارت يتيمه

--------------

يابعد العمر لاتظن أسلاك

ولا يوم ابحياتي اوساعه أنساك

أتذكّر ليالي العِشِت ويّاك

على اوساده سوى يانور لفلاك

يحسدوني الأوادِم

على وصلك يعالِم

اوصابتني اعيون المو رحيمه

يتيمه الغاليه صارت يتيمه

-------------

ليالي اوياك يالغالي عِشتها

على اوساده سوى اعيوني

غِفتها،

اوهالسَّا خاليه دارك شفتها

اوجثتك عالثرى بالطف عِفتها

يليت الموت إجاني

اويظل خالي مكاني

وعليَّه المأتم اتنصبه اوتقيمه

يتيمه الغاليه صارت يتيمه

،،،،،،،،،،،،،،،،،،،،،

✍🏻لخادمة أهل البيت

    أم جمال خواهر

    24 / ربيع الثاني

      1439  /  هـ

(( الغوث يامولى الزمان ))

(( الغوث يامولى الزمان ))

    ::::::::::::::::::::::::::

ياصاحبَ الزَّمان    أما آنَ الأوان

يبن الهدات الأتقياء  ومرفأ الأمان

        ياصاحب الزمان 

------------

يايوسف الزهرا انتفض واشهر

لِذي الفِقار

واصدح بصوتك عالياً واسترسل

الشعار

حيَّ على الثاراتِ قم حيَّ على

البدار

وانشر لِوائكَ عالياً واستمخِض

الغِمار

أولِدها فينا توأمان    النَّصر يتلوهُ الأمان 

          ياصاحب الزمان 

----------

يبن القماقمة التُّقىٰ يبن الخضارمة

العُلا

جرِّد حسامكَ وانتفِض فلقد ألَـمَّ

بنا البلا

كم جُمعةٍ كم نُدبةٍ ناداكَ شائقكَ 

ألاَ

يبن البتولة فاطم يبن الذبيح بكربلا

عجِّل فديتكَ سيِّدي      أدركنا يبن محمدِ

ناداكَ قلبي واللِّسان    شعراً يُنظِّمُهُ البنان

        ياصاحب الزمان

    ،،،،،،،،،،،،،،،،،،،،،،،

    ✍🏻لخادمة أهل البيت

          أم جمال خواهر

        24 / ربيع الثاني

          1439 /  هـ

(( مولدالحوراءزينب )) عليها السلام

(( مولدالحوراءزينب ))

    عليها السلام      

🍃🍃🍃🍃🍃🍃🍃

::::::::::::::::::::::::::::

الحورا من قدها  

والمصطفى جدها

وامها البتوله فاطمه ، 

الكرار والدها

..................

منهو يضاهيها فخربنت الأصل

زينب ،

وامها الزچيه فاطمه اوبوهاالقتل

مرحب ،

اوبمر الله في يوم الغديراعلى الملا

امنصَّب ،

هالليله ضيها للسما يسطع مثل

كوكب ،

زينب يمحلاها    

اوياحيّ محيّاها

زِينة أبوهاالعالِمه    

هالليله مولدها

..................

هالليله محتفله السِّما والحور

فرحانه ،

ابمولد عقيلة حيدره والشيعه

نشوانه ،

ياللي تحبها من قلب بارك

لمولانا ،

هِيم ابعشقهاواحتفل هالليله

ويّانا ،

إعلق قناديلك

وانشد مواويلك

هوسات أحلا والشِعِر 

هالليله ردِّدها

.................

مولد شبيهة فاطمه الصدِّيقة

الصغرى ،

الهاشميه الطاهره والصّفوة 

الدرّه ،

زينب اوما أدراك مَن هي زينب

الكبرى ،

زينة أبوها العالمه والنجمة

الحورا،

إشعل يشيعي النور

طش الورِد وازهور

دستور خلها لك أبد 

في العمل قلّدها 

.................

زينب وديعة فاطمه مولدها

هالليله ،

والكون كله مبتشر علّق قناديله

واجب يشيعي الحيدره كلنا

نهنّي له ،

والحجَّه اندز له كرِت بالفرج

ندعي له ،

نرفع إيدينا فوق

ندعي ابحنين اوشوق

ياربِّ يظهر بالعجل 

للشيعه قايدها

،،،،،،،،،،،،،،،،،،،،،،،

🍃🍃🍃🍃🍃🍃

لخادمة أهل البيت

  أم جمال خواهر

  21 / ربيع الثاني

    1439  /  هـ

(( فقد الأب الحنون )) أبو الأيتام علي عليه السلام

لـطميـة  فـي

  (( فقد الأب الحنون  ))

      أبو الأيتام  علي 

          عليه السلام

    :::::::::::::::::::::::

ياحسرتي مات الأبو وابيتم ظليت

راح اوبقى منّه خلي اومستوحش

البيت ،

ياحسرتي راح اللحد

ماظن يرد النا بعد

وابيتم ظليت

خالي البيت

-------------

راح ابويه راح ظل اللي ابفيَّه

نحتمي ،

باليتم ظلينا بعده يامدامعنا

اسجمي ،

چان كهفي وچان عزِّي وچان

لي مأوى اوحمي ،

عافني وراح المقابر آه يروحي

اتألَّمي ،

نار فقده حاميَه

بالأضالع چاويه

شخصه في كل زاويه

ابيتم ظليت

خالي البيت

------------

راح ياوسفه أبونا وسَّدوا خدّه

الترب ،

حجرته ظلت خليّه موحشه تدمي

القلب ،

صورته قدام عيني اتلوح بس داره

أطب ،

وصوته اتخيّل أسمعه وتظل عبراتي

تصب ،

إهنا محلّة قعدته

اهناك أسمع ضحكته

آه يقلبي وحسرته

ابيتم ظليت

خالي البيت

-----------

بويه كل شي ابحياتي بويه كل

شي بالوجود ،

عافني وراح المقابر بعد ليَّه ما

ايعود ،

مالها معنى حياتي عگب ما راح

اللحود ،

ليتني من قبله ميته اويرجع البيته

اردود ،

آه يانار اليتم

تسعر ابقلي ألم

آه يدنياتي ندم

ابيتم ظليت

خالي البيت

----------

آه يابويه الفجعني اوجرح قلبي

ابموتته ،

ماني متعوده أفارق يوم واحد

شوفته ،

روحي تتفطر من ادخل أو أوَصّل

غرفته ،

كل زوايا البيت أسمع صوت أبويه

اوصورته ،

على بالي ماخطر

يوم يرحل للقبر

آه ياحزن الدهر

ابيتم ظليت

خالي البيت

-----------

والدي راح اوتركني والحزن بعده

لواني ،

واظلمت دنياي بعده والدمع جرّح

أجفاني ،

للمقابر راح عنّي اوصِرت للفرقا

أعاني ،

ويش ايرد بويه عليَّه آه يافجعة

زماني ،

الأبو محلا جماله

مايفارقني خياله

ويش ايعوّضني بداله

ابيتم ظليت

خالي البيت

،،،،،،،،،،،،،،،،،،،،،

✍🏻لخادمة أهل البيت

      أم جمال خواهر

      20 / ربيع الثاني

        1439  /  هـ

( وصية الزهراء ) سلام الله عليها للإمام علي عليه السلام

( وصية الزهراء )

  سلام الله عليها

    للإمام علي 

  عليه السلام

::::::::::::::::::::::::::

صاحت الزهرا الزچيه

ياعلي حامي الحميّه

نشِّف ادموعك يحيدر

واستمع منّي الوصيّه

-------------

ياعلي قرّب رحيلي وانتهت منّي

حياتي ،

ياعلي منّي تدنّى واستمع منّي وصاتي ،

بعد عيني الله الله في بنيني او

في بناتي ،

ياعلي واغفرالزلَّه وعنّي اصفح

سيِّئاتي ،

لو ذنِب منّي حصل

اوياك ياخير العمل

إصفحه قبل الأجل

ياعلي حامي الحميه

--------------

ياعلي قربت وفاتي وحان ياكرار

حيني ،

ياعلي أوصيك بعدي الله الله في

بنيني ،

ياعلي غسّلني بيدك لا تمس

كفَّك جبيني ،

اولا تمس ضلعي يحيدر خل

وِشاحي فوق عيني ،

كفَّك أبداً لايمُر 

ياعلي فوق الصدر

خوفي قلبك ينفطر

ياعلي حامي الحميه

-------------

ياعلي إسمع وصاتي بعد ما

تغمض اعيوني ،

ابليل ياكرار خفيه شيّعوني

وادفنوني ،

لاتشبُّون المشاعل لا اتصيحوا

اوتندبوني ،

ياعلي الكسروا اضلوعي ما

أردهم يحضروني ،

ابليل شقّوا حفرتي

اوشيّعوها اجنازتي

واخفوا قبري اوتربتي

ياعلي حامي الحميه

-------------

ياعلي زينب وديعه بين ايديك

امخلتنها ،

اصغيره خمس اسنين توها 

ياعلي باروح عنها،

ياعلي عينك عليها لا أحد 

يستهضمنها،

لوبچت إمسح ابچفّك ياعلي

دمعة جفنها ،

باچر اتقاسي ترا

امصاب مثله ماجرى

من صغرها امرمره 

ياعلي حامي الحميه

-------------

ياعلي ودّعتك الله آخر اوداعي

اوعهدي ،

ياعلي قربت وفاتي والوصيّه

تحت خدي ،

ياعلي بس الله الله ديرعيناك

اعلى وِلْدي ،

نعشي ياكرارشيعه ابليل لاينعرف

لحدي ،

آني مظلومه تراني 

ماشِفت رحمه ابزماني

لا أحد يعرف مكاني

ياعلي حامي الحميه

-------------

ياعلي بالليل نعشي شيِّعه 

للمقبره ،

اولا اتشعلوااسراج ليَّه اولااتسووا

شوشره ،

ماأريد اعداي تدري ابدفنتي

ياحيدره ،

وبعد دفني الله الله ياعلي

ابلمخدّره ،

ضايعه بعدي تتم

ياعلي لاتنهضم

كافي اعليهااليتم

ياعلي حامي الحميه

-------------

✍🏻لخادمة أهل البيت

    أم جمال خواهر

    19 / ربيع الثاني

      1439 / هـ

( في شأن الزهراء ) ووصيتها لأبنائِها عليهم السلام

( في شأن الزهراء )

  ووصيتها لأبنائِها

  عليهم السلام

::::::::::::::::::::::

يبني تدري ... 

خلص عمري يادلالي ،

قوموا لـمكم ... 

خل تشمكم يالغوالي ،

قربوا منّي يالبزر 

خل أضمكم بالصدر

قبل لا اروح القبر

يالغوالي ... يالغوالي

---------------

ياحسن يبني تدنّى خل أشمّك

يالولد ،

واحضنك مابين صدري والثمك

يالمضطهد ،

خلني اتزوّد إمنّك قبل لا روح 

اللحد ،

اشبيدي إعلى البيك يجري منَّك

اتذوب الچبد ،

چنّي اشوفك بالطشت

بالدمآ چبدك تكت

اويمَّك اتنوح الإخت

يالغوالي ... يالغوالي

---------------

ياحسن قرّب إمنّي خل أضمّك

بالصدر ،

يبني واشتمّك ابحلقك قبل ماروح

القبر ،

ليتني يالولد يمّك يوم چبدك 

تنفطر ،

اقبال اخوك احسين واختك ياحبيبي تحتظر ،

ذاب من خوك القلب

من يشوفك تضطرب

وزينب المدمع تصب

يالغوالي ... يالغوالي

----------------

احسين يايمّه تدنّى يمّي يامهجة

حشاي ،

فوق صدري خل أضمّك وشم

نحرك ياضناي ،

قبل ماتغمض إعيوني وينقطع

منّي هواي ،

اعليك يايمّه اشبيدي اتموت 

ماتشرب الماي ،

تنذبح يمّه ابظما

والنهر يمّك طمى

ليت لعيوني العمى

يالغوالي ... يالغوالي

---------------

يمّه يازينب تعالي خلنا نتزوّد

وِداع ،

وخلني باشمها امتونچ قبل ما

أرحل الساع ،

اشبيدي يايمّه اعلى حالچ وانتِ

مسلوبة قناع ،

والسياط اتلوح فوقچ وانتِ مچتوفه

الذراع ،

فوق ناقه امهزّله 

باليتاما امبهدله

وهلچ صرعى اعلى الفلا

يالغوالي ... يالغوالي

---------------

وصاحت ابأسما يأسما إخذي

لحسين اوحسن ،

خلهم ايروحوا لبوهم لا يسمعوني

امن اوِّن ،

واخذي زينب نيِّميها واحضري

ليَّه الچفن ،

بغتسل والبس اچفاني لاتدخلي

من أسِنّ ،

من على وجهي الرِّدى

اومن تريني امّدده

  لاتعلِّين النِّدا

يالغوالي ... يالغوالي

--------------

خلّي ياأسما الوديعه زينب

ابحضنچ تنام ،

زين غطِّيهااولزمي حسن وحسين

الكرام ،

راحله الليله يأسما اوداعة الله

والسلام ،

جهّزي نعشي يفضّه خل يشيعوني

ابظلام ،

الصوت لا يطلع أبد

ما أوِد يسمع أحد

اوداعة الباري الصمد

يالغوالي ... يالغوالي

---------------

✍🏻لخادمة أهل البيت

    أم جمال خواهر

    19 / ربيع الثاني 

      1439 / هـ

( وصية الزهراء ) عليها السلام لولدها الحسن سلام الله عليه

    ( وصية الزهراء )

      عليها السلام 

      لولدها الحسن 

      سلام الله عليه

▪▪▪▪▪▪▪

  ::::::::::::::::::::::::::::

يبني حسن يامهجة احشاي

ياضنوتي ويانور عيناي

اتقرب يبعد الروح بحداي

أضمّك إلى صدري ابيمناي

أشم ريحتك يابعد رجواي

يامهجتي ياحسن يبني

تقرّب يبعد الروح منّي

أضمّك يمدلولي ابحضني

قبل ما تروح الروح منّي

منها تقرّب والدمع خر

فتحت الباع ابقلب محتر

تضمّه اودمع العين فوّر

ابفمه تشمّه اوهيَّ تزفر

واتصيح آه يبني يشبر

على چبدتك بالسّم تفطر

يبني حسن إجلس ابحدّي

منّك ابتزوّد يولدي

يامهجتي اويانجم سعدي

اشبيدي على اللي ايجيك بعدي

سمّ اوظلم يابعدچبدي

وِدّي أصير احداك وِدّي

عليكم ييمّه زاد وجدي

ياحسن يبني ياجنيني

عقب ساع يُمّه ابتفقدوني

ابوصيك ياقرّة اعيوني 

زينب أختكم إخلفوني

قعدوا معاها لاتجوني

لو مشى نعشي ابيدفنوني

لا تتركوها وتتبعوني

وصّيت أبوكم ياشفيّه

من بعد تلفيني المنيّه

بالليل ايجيب النعش ليّه

يحفر لقبري بالعشيه

ماريد أحد يصرخ عليّه

اولزمو أختكم بالسويه

لا تطلع ورا نعشي الزچيه

حنّت اومنها المدمع ايسيل

تأشّر يويلي للأطافيل

احسين اوحسن قربوابتعجيل

أشمكم ييمّه قبل لا شيل

اوبسرّح يبعد امّي الچعاچيل

اوبوصي عليكم يامداليل

لا تبچو  عليّه آخر الليل

زينب ازغيْره اومالها حيل

ماريد تتروّع ابهالليل

دارو  يبعد امّي عليها

كافي عليها اللي يجيها

مصايب ابتترادف عليها

أبوهاابتشوفه بين ايديها

الهامه ابسجوده امصوبيها

شيبته ابدمّه امخضبيها

يرحل وايزيد الحزن بيها

واعلى الفرش بتشوف حالك

يبني تلوج السّم غالك

تتلوّى متغير جمالك

بتموت واتيتم اطفالك

والطامه الكبرى التهدها

وتقطع مرارتها اوچبدها

في كربلا تفقد سندها

أخوانها اوجملة ولدها

منهم أحد مايظل عدها

تبقى غريبه اتسوف يدها

:::::::::::::::::::::::::::::

▪▪▪▪▪▪▪

✍🏻لخادمة أهل البيت

    أم جمال خواهر

  19 /  ربيع الثاني 

    1439 / هـ