(( رجِّع محملي ))
النزلة بكربلآء
...............
وينه اخويه اوكافلي٠
خل يرجِّع محملي ٠
كربلآ مااتلوق إلي٠
أرض الكدر هاي٠
أرض الكدر هاي٠
٠٠٠٠٠٠٠٠٠٠٠
ادخيلك ياأبو الغيره
يعباس ٠
عن هاي الأرض يامعصب
الراس٠
رجّع محملي ياوافي
الباس٠
من رجلي وطتها جاني إحساس٠
هلأرض أرض الكدر٠
اترابها صاير حمَر٠
ينخسف فيها القمر٠
أرض الكدر هاي٠
أرض الكدر هاي٠
٠٠٠٠٠٠٠٠٠٠٠
ياعباس ياحامي الشريده٠
هالوادي يخويه ماأريده٠
رجّع محملي الديره بعيده٠
أخاف ابهالأرض وقعه شديده٠
بيها أشم ريحة نكد٠
ردني ياخويه البلد٠
يبو فاضل يالضمد٠
أرض الكدر هاي٠
أرض الكدر هاي٠
٠٠٠٠٠٠٠٠٠٠٠٠
ياسبع الحرب رجِّع اظعوني٠
في هاي الأرض لا اتنزلوني٠
أنا قلبي انقبض هملت اعيوني٠
بيها كل مخافي اتضيعوني٠
ردني خويه الديرتي٠
قبل هتكي اوذلّتي٠
تدروا بيها يخوتي٠
أرض الكدر هاي٠
أرض الكدر هاي٠
٠٠٠٠٠٠٠٠٠٠٠
خويه بوالفضل ردالظعينه٠
ياحامي الخدر واسترعلينا٠
ردوا اظعونا لرض المدينه ٠
من قبل البلا ينزل علينا ٠
ياكفيلي للوطن٠
رد يبعد اهلي الظعن٠
قبل ماايحلّ الحزن ٠
أرض الكدر هاي ٠
أرض الكدر هاي٠
٠٠٠٠٠٠٠٠٠٠٠
ضمها للصدر عباس أخوها٠
قبَّل راسها ويحلف ببوها ٠
يطمّنها اوكل الزلم جوها ٠
علي وجسام عمَّه ايخاطبوها٠
عمَّه لا تتوجَّلي٠
افداچ جسام اوعلي٠
كلِّنا اجنود الولي ٠
أرض الكدر هاي ٠
أرض الكدر هاي ٠
٠٠٠٠٠٠٠٠٠٠٠
عباس ابرقبته دنَّق الها ٠
على صدره أبوفاضل حملها٠
ونزَّلها ابيمينه من جملها ٠
ليته يوم صاحت حاضرالها٠
ركّبوها اعلى الجمل٠
امربطيها بالحبل٠
اقبالهاروس الأهل٠
أرض الكدر هاي٠
أرض الكدر هاي٠
٠٠٠٠٠٠٠٠٠٠٠٠
٢٨ / ذي الحجة
١٤٣٧ / هـ
لخادمة أهل البيت
أم جمال خواهر
ليست هناك تعليقات:
إرسال تعليق