الجمعة، 20 مايو 2016

(( غِياث الكون )) توسّل بالمهدي ع

 (( غِياث الكون ))
توسّل بالمهدي ع
٠٠٠٠٠٠٠٠٠٠٠
غايه إنت النا او وسيله
مهدي ياروح البتوله
بك توسّلنا يحجّه
عنّا هذا الضيم فرجه
يالولي وهالكرُب زوله
مهدي ياروح البتوله
٠٠٠٠٠٠٠٠٠٠٠٠
ياإمامي ياوجيهاً
عِنِدْ ربَّكْ ياحبيبي
ابجاه سِرّ أمَّكْ الزهرا
عني اتفرِّج كروبي
ياغياث الكون واسأل
الله يغفر لي ذنوبي
واسأله يستر عليَّه
آخرَه ودنيا عيوبي
ايسدّدابدربك طريقي
الموت والمحيآ رفيقي
واللّوآء وياك اشيله
مهدي ياروح البتوله
٠٠٠٠٠٠٠٠٠٠٠٠
إنت غايتنا وأملنا
مهدي ياروح الرساله
وانته يالمهدي الوسيله
انقدِّمه الربّ الجلاله
إنته سِرّ امَّكْ الزهرا
استودعه الله تعالىٰ
جاعلك واسِطه لينا
للدعآ وحبل اتصَّاله
حافظ الأرض ابوجودك
ماأحد يوصل حدودك
إنته للمنهج دليله
مهدي ياروح البتوله
٠٠٠٠٠٠٠٠٠٠٠٠
إلكْ يالمهدي رفعنا
اچفوفنا نطلب حنانكْ
هب لنا يبن الزچيه
رأفتكْ وَيَّا امتنانكْ
سجِّل اسمي ياحبيبي
مِن ضِمِنْ جُملة اعوانكْ
من انصاركْ من جنودكْ
من رفاقكْ من اخوانكْ
طَمَعِي هٰذا يغالي
منّه لا ترجعني خالي
بالله والهادي رسوله
مهدي ياروح البتوله
٠٠٠٠٠٠٠٠٠٠٠٠
سيّدي لولاكْ إنته العمر
في الدنيا اشيسوىٰ
سيّدي حتى الجنَّه
ابدونكم مو خوش مأوىٰ
سيدي صارت الجنَّه 
بيك جنَّه ودنيا حلوَه
بس يمولىٰ لو تعجِّل
بالظهور اتزول بلوىٰ
تكتحل عيني ابجمالك
واحتظي ابساعة وِصالك
كل مُناي ابلغ وصوله
مهدي ياروح البتوله
٠٠٠٠٠٠٠٠٠٠٠٠٠
١٢/ ٨ / ١٤٣٧ / هـ
لخادمة أهل البيت/ أم جمال خواهر

ليست هناك تعليقات:

إرسال تعليق