في مولد الإمام الصادق عليه السلام

((  في مولد الإمام الصادق  )
              عليه السلام
       ٠٠٠٠٠٠٠٠٠٠٠٠
القمر هالليله      شعّت قناديله
لمولد الصادق     ينشد مواويله

الكون هالليله ازدهروالقمر شع نوره
وانتشرضيَّه اعلى الأرض غطّى المعموره
جعفرالصادق منولد وانتشرت اعطوره
يـاربِّ بلّـغـنـا إلـيه انـعود وانـزوره

يامحلا أوصافه     يابخت من شافه
باقر اعلوم الله       بالولد هنّوا   له
         
جعفر الصادق غرّته  أنوارها  شعّت
للعرش والسابع سمآ ياشيعته وصلت
لملاك كلها هللّت ربّ العلا وسجدت
من شاهدت نوره الجلي واعلى النّبي صلّت

 أنـواره قدسيه      ياهلا ابهالـجـيه
قومواعلى الأقدام    ياشيعه حيّوا له

ريّس  المذهب  ياهلا هاليوم  ميلاده
والقمر ناشر سفرته ولابس له اقلاده
مبتسم من شاف الضوى من مهجة الساده
من غرته السابع سمآ واحتفل بعياده

غار القمر منّه          ياهو اليلومنّه
غطّى على نوره     ياناس عوذوا له

ياحي  هلا ويامرحبا ابريّس  عقيدتنا
هاليوم ذكرى مولده ومن أجله افرحنا
طشينا  ورد  محمدي  وزينّا محفلنا
أعياد  في كل  ناحيه  للآل  شيّدنا

وانهني الزهرا     وانهني العتره
وانهني المولى     بالفرج طلبوا له

أرض المدينه  اتنوّرت والسعد  وافانا
الميلاد  روح  الفاطمه  والنور غشَّانا
كل شيعي يصدح ياهلا وياحيّ من جانا
ملزوم  نبعث  تهنئه  للـحـجـه  مولانا

وانعيش هالبهجه     وانشارك الحجه
  ياربّ قرّب طلعته     ويأسّس الدوله

    ****************************
    ١٦ /  ربيع الأول  /  ١٤٣٧ /  هـ
   لخادمة أهل البيت/ أم جمال خواهر